اعلان هاااااااااااام للراغبين فى الزواج ميدان التحرير يفرد زراعيه

حاجه غريبه .الدنيا جرى ليها ايه .من شويه كنت بتابع اخر الاحداث ولقيت خبر يرفع الضغط

احتفال عريس وعروسة بالزفاف وفين ياترى فى ميدان التحرير وعلى صيحات العريس يريد اسقاط النظام

بالزمة فى اكثر من كده يعنى مش كفاية الى كتبت كتابها لا لازم الضغط يرتفع ويجى للشعب الغلبان جلطة علشان سكان الميدان يستريحوا

ويبقى النظام سقط والشعب كمان انا مش عارفة لما هما فى الميدان علشان الظروف الصعبة اللى فى البلد من بطالة وعدم جواز بقى خلاص

النوم فى الشارع هو الى بيفتح الباب وبعدين فين اهل الناس دى هو خلاص المواضيع سابت عندنا والاسم بندافع عن ارواح الشهداء متهيألى

اللى حزين على روح شهيد ميتصرفش كدة وخصوصا ان البلد ربنا يستر عليها . يعنى يارب من العدل الى بيحصل ده قاعدين يغنوا فى الميدان

ومتمسكين بطلب هامشى ملوش اى دعوة بالاهداف النبيلة الى حققوها فى الاول وسايبين الناس حياتها مقلوبة وسيرتنا على كل الفضائيات

فعلا اذا زاد الشى عن حده اتقلب لضده متهيألى لو معقلوش وروحوا بقى بيوتهم محدش هيتعاطف معاهم تانى لو الحكومة تدخلت وخصوصا

البنات الى مش هممها لا عرف ولا دين قال ليهم يباتوا بره بيتهم فى اماكن فيها اغراب ومش امان دى اصلا مش اماكن دا الشارع يا عالم

.
يارب عفوك ورضاك علينا يارب